mere chand pe us daag ko maine dekha hai ...

muje hamesha se chand ko dekhna bahut acha lagta tha ,jab bhi bhagwan se bateein karti us chand me apne ishwar ko dekhti...waqt ke sath sath us chand ne aesa naata joda mujse ki chandni ban uski sama gayi main usme........mere shabdon ka vo mohtaj hi na tha ,meri dhadkan se muje pahchan leta vo.aadhi raaton me mere sang jaaga bhi vo,subah badloon me chip kar sang mere  muskuraata bhi vo....us chand me maine apni duniya ko dekha hai ,par apne chand ke us daag ko bhi maine dekha hai

Apne chand pe us daag ko  maine dekha hai
Apne chand pe us daag ko  maine dekha hai ..

Baadlo me jo chip raha ab talak

Lukaa chipii karte usko maine dekha hai….

Khule asmaan me jo roshan tha ab tak

Amaawas ki  kali raat me chipte use maine dekha hai ..

Aesa nahi ki kala andhiyaara hi tha jeevan main uske

Poonam ki chandni ban usko thirakte huye bhi maine dekha hai

Taaron ke rup me paayi thi jo bahne usne

Sang unke bhi khushiya manaate huye use maine dekha hai

Charkha chalatii hai nani jis  jahaan main

God me maa ke sar rakh ke  usko bilakhate huye maine dekha hai

Chanda maama kahkar bulaate jo bache usko

Diva aur Divit sang khud baccha bante use maine dekha hai

Bhukhe us pyar ki talaash thi jisko

Bhatakte huye chanchal uske mann ko maine dekha hai

Ek ishaare par  us chand ke  apne

Dum todhte apne us jism ko maine dekha hai

Chand mera jo noor tha chehre ka mere kabhi

Grahan ki us raat me lipat nirvastra usse khud ko fana hote maine dekha hai

Kabhi premika ,kabhi sangini uski to kabhi maa ban gayi main uski

Uski khushiyon ke liye khudko tabaah hote maine dekha hai

Paanv mere ab bhi the zameen par hi 

Par kosoon dur se bhi dil me uske utar ke maine use dekha hai

Duniya ko roshan karta jo raakh ho gaya jeevan me apne

Mere chand ke us dard ko maine dekha hai

uske dard ko maine dekha hai …..

haan uske har dard ko maine dekha hai...