vasna kasauti us pyar ki na ho

Zindgi me aesa koi yaar na ho

vasna kasauti us pyar ki na ho

sarthak vo diggaj apne naam ko kare bus

na rishton ko apne badnaam vo kare bus

prem ki vo satyta swikar kar sake jo

chune ki chah bus prem ki na ho

Zindgi rukti nahi chale jane se kisike,

Zindgi rukti nahi chale jane se kisike,

jate huye vo us shaks ki haqiqat dikha jaati h...

chune ki bus chah thi jisko

Tanhai ke pal bus bitane the usko

khel ishq ka rachna tha bus usko

Ishq Ibadat kya kahu main tujko

chune ki bus chah thi jisko

Maine Ishq ke har us rup ko dekha hai ...

Mere Ghamon ke saaye me tuje tadhapte dekha hai

un pathreelein raston pe mera hath thame tuje dekha hai 

Teri Bahoon me kud ko mahfuj maine dekha hai 

Teri pareshaniyon me khud ko dam todhte maine dekha hai 

Bewafaai me bhi teri maine us chahat ko dekha hai 

Grahan ki us raat me bhi tujhe jalte maine dekha hai 

Palko k beech se apni madhhosh teri un aankhon ko maine dekha h

Un lamhon me tujhko bikharte maine dekha hai 

Kaanptein tere un adhron ko rahat me maine dekha hai 

Jaagti tere sang un raaton ko maine dekha hai 

Bhula ke tere apno ko muj pe jaan lutaate tuje dekha hai 

Mere sajde me tujhko sar jhukaate maine dekha hai 

Tere un ashqon me apna pyar maine dekha hai 

Tere har ek jhute lafz me maine mohabbat ko dekha hai 

Teri khamoshi me chipe us dard ko maine dekha hai 

Gawah hai mere vo chand taare vo Ishwar 

Vo Ansh jisne tuje mujhme samaate dekha hai 

Beparwah tu bhale aaj gham se hai mere 

Muh modh apne farz se bhagte tuje maine dekha hai 

Insaaniyat ko jahaan me kafan audh maine dekha hai 

Maine Ishq ke har us rup ko dekha hai ...

na de paau vo pyar jo tune khudme chipa ke rakha .

hanste huye tum jaana sang khushiya phir laana
har labz,har baat uski maine dil se lagaaye rakha,

aansu mere gawara na the usko ye soch
ghum ko maine apne seene me chipaye rakha

uthe na koi swaal ek bhi tujpe,
har ek sawaal maine khudpe banaaye rakha

thakta nahi bewfaai se vo par
maine bhi khub apna pyar nibhaye rakha

har labz tha vo jhuta,pyar bhi tha jhuta
phir kyu mujse usne rishta banaaye rakha

un lamhon me mujko apna jab banaaya
duniya me phir kyu mujhko jhuta banaaye rakha

tu jaane sach kya hai ,tune rishta ye diya hai
sar aankhon pe vo jhut ,jo tune khud ko mahaan rakha ...

tere ansh ko main apne, lahu se bhi gar seenchu
par na de paau vo pyar jo tune khudme chipa ke rakha ...

mera ghar aakhir basayaa hai usne …..

Kismat main hua to milenge hum ek din ye to hamesha bataaya tha usne
badlega un hathon kismat ko vo mere ,aesa kuch man sa banyaa tha usne

rakhna tum apna khyaal hamesha,aaunga ek din kaha bhi tha usne
bandhna hai ek din bandhan me humko,ye soch sang mujko bulaaya tha usne

na juda hum dono,do jism ek jaan the,Milan vo aesa banaaya tha usne
kya dogi  mera ansh mujhe meri jaana,aansu bhi aese bahaaya tha usne

maang teri saja di hai maine,dil me bhi apne basaya tha usne
chipa to na paaya ek raaz apne dil ka ,aaina ek aesa banaaya mujhe usne

majburi ke vo bandhan me bandhna tha usko ye to  par kabhi  bataaya na usne
pari ek anjaani laa di hai meri maa ne, sangini ab banegi ye  bataaya na usne

apne hatho se sindur saja kar mujko kyu phir suhaagan banyaa tha usne
maa se milkar aata hu jaan e jaana ,ye kahkar man mera bahlaaya tha usne

na aaya ,na uski khabar phir kabhi aayi,ye kaisa rishta banayaa tha usne
intaazar me thakti nhi meri aankhein,dil se bhi lagta nikaala ab usne

girte the aansun tadpata tha vo bhi ,aaj badha hi rulaaya hai usne
rakhna tu usko khush tu hamesha,e khuda,mera ghar aakhir basayaa hai usne …..

sindur ka apne marte dum tak bus mujhko hai farz nibhaana ..............

chipa to liya gunah apna ,tere hi apno me tune 

dua karna grahan ki us raat ke saaye sada juda rahe tujse 

kal sota tha tu sang me jiske,chehra tak bhi bula diya hai tune 

pyas bhujhaayi teri jisne,us prem ko bhi nakaar diya hai tune 

ek anjaan ko jab suhaagan banakar ,duja byah racha liya tune 

khoon ko apne jab thukra kar,ek aur se ghar basa liya tune 

chanchal man tera aaj jab ,usse bhi man tera bharne ab laga hai 

kah dena apni maa se tu ab,maa is gudiya se jee sa bharne laga hai 

maa vo teri hai ,duniya me tera teeja bayaah bhi racha sakti hai 

radha ho ya meera ho jag me,tabaah har ghar karwa sakti hai 

radha ,meera,ya vo bahne teri, maa ho ya pita ho tere 

har ek shaks chahe khushiya bus teri ,tabhaa hone ka afsos nhi hai 

na kar afsos in riston ka ab,jhuti aesi jindgi likhwa li hai tune 

dil se logo ke sang khelne ki fidrat aesi bana li hai tune 

khamosh bus rahkar tujko teri khushiyon se sada milwana 

sindur ka apne marte dum tak bus mujhko hai farz nibhaana ..............

prem athah main tuje vo dungi,

meethi meethi batein teri,

masumiyat si ada h teri,

ehsaas aese jaga deti h,

choti si ankhein ye teri,

har gham ko jo bhula deti h,

pyari si muskaa.n ye teri,

mila muje sbse pyara jo,

ishwar ka vo tohfa tu h,

pyar tuje itna main dungi,

sankaar vo tujme main dungi,

na kare apmanit nari ko jag me,

ek pyar ek byah bas tera, dhokhe ki vo duniya na ho,

prem athah main tuje vo dungi,

chavi na uski tujme phir vo..

sindur maang se poonch to jaata .....

thamne lagi hai saansein bhi ab 

ishq tera nibhate huye ab 

zhukne lagi hai baahein meri 

karz tera chukaate bhi ab 

ek pal sukun ka ho bus 

jaane kab aesi manzil hogi 

tu chod gaya kaliyon me mujko 

par kaanton ki bhi chubhan to hogi 

duja bayah racha kar usne 

ghar apna to basa liya hai 

bhul gaya aaj waqt ke sang vo 

kitno ko usne tabaah kiya hai 

kese apne main farz nibhaau 

itna to bata kar jaata 

tere rishtein ko kese jhuthlaau 

sindur maang se poonch to jaata .....

bete ka apne duja byaah rachaya

sindur ka apne maan nibhaana,maa ne meri sikhaya jab tha
na khelna is sindur se tu,maa ne usko kyu nhi bataaya ..........

maa to jag me ek hi hoti,vahi hai mamta,pyar ki devi
phir apne hi khun ke aage kyu us maa ka man na hichkayaa

sindur mang me bhara hai usne ,rishtan usne aesa banayaa
sab jaan ke bhi kyu us maa ne ,bete ka apne duja byaah rachaya

chanchal komal tere hriday ko phir kyu na samjha usne ...

shirkat ki muddaton me aaj jab mahfi me unhone 

dil ko laga ki ahsaas hua hai mere dard ka unhe 

jeeti aayi ek bhram me thi ab tak 

jhuta tha uska har lafz,sirf chal tha har pal 

lafzon ne bayaan bhi kiya to us shaks ka manjar 

jiski chahat me ghar bhi mera ho gaya hai banjar 

kyu gustakhiyan maaf teri vo kar na paayi 

pyar to tera sacha tha phir kyu mili tujhe ruswaai ......

saun khoon maaf ho jaate hai us ishq pe apne 

chanchal komal tere hriday ko phir kyu na samjha usne ...

diye jo ansu tune

apne ruh apne jism in saason se juda kar diya tuje humne,
diye jo ansu tune inhe kyu mera humsafar bana gaya tu?

mulaakat jab teri us parri se hogi

mulaakat jab teri us parri se hogi ,
sabse jyada khushi is dil ko hogi ,
khuda mera jaane tu mera kya hai,
tere liye har gham bhi sahna padha hai ,
muskaan meri us din phir se hogi
tere chehre pe phir se jab muskurahat vo hogi ...

tu zahar hum dono ko de jaata.

mita diya tune us rishton ko jese dil se,
raah ek aesi muje bhi de jata,
saat fere kisi aur se le to liye tune,
sindur ki meri us lakeer ko tu mita ke to jaata,
main to khamosh hu bewafai pe tere,
is jindgi k badle tu zahar hum dono ko de jaata.

badal gaya hai aaj mera vo parmeshwar

ho jaati hai shayad khata kabhi ishwar ke hathon 

jaane kyu diya bandhan ye usne mujhe tere hathon 

saajeeshon ne teri mujhe ghera hai aesa 

manjil ka jis par aaj koi nishaan nhi hai 

ek khata kahkar tune thukra diya hai 

ye kasoor tha mera maine tujse sirf pyar kiya hai 

kaash naam ka arth tu apne nibha jo paata 

najron me mere ishwar ki tu jagah bhi paata 

muj par jo kiye sitam tune unhe maaf bhi kar du 

par mamta ko aaj kaise main apne niraakaar main kar du 

badal gaya hai aaj mera vo parmeshwar 

na raha mere jag me koi ab duja ishwar

mamta pe apni ye sar jhukana ab hoga

nakaab chehre ka sahej ke rakhna,
rukh in hawaaon ka muje badlna ab hoga,
bahut nibhaaya pyar hamne apna,
mamta pe apni ye sar jhukana ab hoga

ek bar tu mujse najar to milana.

Ibadat pe apni gurur gar tujko,

mere ek shabd ko jhutla kar dikhana,

bojh to main tuj pe kbhi bhi na thi,

bus ek yehi tu ilzaam na lagaana,

bharosa gar tuje teri shaksiyat pe,

ek bar tu mujse najar to milana..

un lamhon ka tere ye mukaddar hai ...

tham lena ab dil ko apne 

vo din tera phir aane wala hai 

sej is baar na phoolon ki hai teri

na dum todta vo aanchal hai mera 

na khushboon teri un saanson ki ab hai 

na milan ki us raat ke pal hai 

ujaade apne aagosh me jo tune 

tabaah huyi un jindgiyon ka ab manjar hai 

chipa rha jag me tu jis pal ko 

un lamhon ka tere ye mukaddar hai ....

kyu man mujse hi bahlaaya usne ??

pyar tha har pal dil me jab uske 

kyu mujhko apna banaaya usne 

yadoon ki usko kami to na thi 

kyu lamhe sang gujare usne 

shikwa raha ishwar se apne 

ek bewafa se milwaaya usne 

mohtaj nhi thi bandhan ki main to 

kyu sindur ka khel rachaaya usne 

khel nhi gudiya ka tha ye

kokh thi meri ,ye mera jag tha 

kami kaha thi usko jag me 

phir kyu man mujse hi bahlaaya usne ??

mera sath vo dene laga h..

diye jo ansun tune,unhe ye ab pochne laga hai

akeli na ab rahi jag main, mera sath vo dene laga h..

hum khamosh hai uski hi khushi k khatir

sajeeshen racha kar mujse,

imaarat jhuthi jindgi ki basayi hai usne,

bade ja rahe hai kadam uske 

insaniyat ko sharmsar karte

hum khamosh hai uski hi khushi k khatir

varna dard to mere dhruv ko ab b hota hai..

vo haunsala bhi tu adaa karna

har din naya haadsa diye ja rahe e khuda 

shiddat se karu saamna ,sang inke vo haunsala bhi tu adaa karna

shikwa nahi sukragujar hum tere,

laal surkh sindur se tune muje apna banaya h,

mere dhruv me maine tere usi rup ko phir paaya h,

shikwa nahi sukragujar hum tere,

meri mamta ne aaj tere charnon me sheesh nawaya h..

vo kahte man bhar gaya hai unka ab humse,

tinka tinka bewafai vo nibhate ja rahe hai,

hum bakhubi gunahon ko unke chipaate ja rahe hai,

vo kahte man bhar gaya hai unka ab humse,

vo kya jaane apne hathon ki us lakeer ko vo jhutlaate ja rahe hai,

mana bahut hai duniya me tuje pyar karne wale,

par gurur hai hume humne tuje tere har rup me jaana hai,

ibadat us ishq ki ya ho milan ke pal vo tere,

sajeeshen vo teri ya chehre pe nakaab tere,

tuje har rup me jaana hai ,har rup me apnaya h.

tere anchahe har pal ko humne sanjo liya ab palkon me apni,

tere anchahe har pal ko humne sanjo liya ab palkon me apni,
kho na jaaye ye andheron me is dar se in ankhon ne sona bhi chod diya ab to..

bewafai to tune sache dil se ki thi,

use pakar bhi tu rah gaya adhura,

ye kesi kismat tune paa li hai,

bewafai to tune sache dil se ki thi, 

phir b kyu tere us dil me aaj udasi chayi hai..

kya shikwa karein ya shikayat hum tujse

kya shikwa karein ya shikayat hum tujse

tune hume vo saja di h..

ek dilkash pari ki tadap me tune

 nanhi meri kali murjha di hai..

 

adhron ne tere ye kesi pyas bhujhaayi mujse e ishq,

adhron ne tere ye kesi pyas bhujhaayi mujse e ishq,
tham gaya ab waqt mera teri baahon me fana hoke.

arth prem ka aesa samjhungi..

prem samarpan mamta se apni ek chavi tuje de jaungi,

chune bhar ki chah na ho bus,arth prem ka aesa samjhungi..

parwarish aesi tuje de jaungi

khamoshi ne mere chipa to liya gunahon ko tere,

dekh karishma kudrat ka jara ,

vahi chehra lekar aya h ye ansh tera,

vo pyari si hansi iski mere har ghum ko bhula deti h,

meethi meethi boli iski jeene ka maksad de jaati h

na khele sabke dilo se jo vo pyar tuje de jaungi,

kare samman sabka jag me parwarish aesi tuje de jaungi